🚇 東京近郊一日遊(我覺得)最容易去嘅應該係横浜。我坐東京地下鐵副都心線由新宿三丁目站出發，期間會轉為東急東横線然後直達横浜市，不過要留意班次，選擇「準急或特急」(semi-express or express)火車先上，大約30分鐘後就到達横浜㗎啦。
📝對上次去横浜嘅印象好模糊(都有4-5年嘅事)😅我去過拉麵博物館、横浜中華街同埋横濱博物館。今次再去我冇化太多時間去計畫行程，只係將我想去嘅地方想食嘅食物記低就算。
Gundam Factory Yokohama 係一個我突然加入去嘅景點。展覽原本於今年2月28日完結，點知係幾個星期前突然宣佈會延長至明年3月31日。雖然我唔係高達粉絲，但聽好多人話值得一去，咁我去開吓眼界都好啦😂 望過地圖我覺得由みなとみらい線總站「元町・中華街」開始玩番上去「横浜」站，沿路會經過我想去嘅地方。
第一站決定去Gundam Factory Yokohama，喺「元町・中華街」站步行大約9分鐘就到。我預先上網買入場卷(JPY1,650)，到達場地後可憑QR code直接入場。因而慳番到場購票嘅時間😆 想近距離睇高達要另外買一張觀景台票，有限時入場嘅。對我嚟講只買入場卷就夠，係地下望隻高達都好靚好震撼。我大約11am到達，逗留大約一個鐘頭後走。期間有睇show、有幫襯Gundam Cafe、有去Gundam Lab了解吓高達同埋有去Gundam Base (手信店，不過我冇買嘢🤣)。
Gundam Cafe 係以自助模式運作。先係平板電腦上購票然後先去收銀櫃檯俾錢。Cafe有個室外地方只限Cafe顧客使用，地方係可以喺遠少少嘅位置觀賞高達。
▫️Gundam Factory Yokohama Matcha Latte
JPY800一杯抹茶latte，價錢對我嚟講算喺貴🤣
不過一場嚟到就坐低飲杯嘢啦。
横濱一日遊行程
新宿➡️Gundam Factory Yokohama ➡️ 味奈登庵(lunch)➡️ 横濱博物館➡️ 橫濱紅磚倉庫➡Marine & Walk Yokohama ➡ Yokohama Hammerhead ➡ Vanilla Beans the Roastery (下午茶) ➡ Queen’s Square Yokohama ➡️新宿
待續….
